TRA BARCARIOI

- Se s'à da vedar! Fiol d'un can! De ponta

In te 'sto modo, in pope, zo 'l me vien!.¹⁴

E po' 'l ride, quel bogia, anca per zonta¹⁵

Ma no ingioto¹⁶ perdio, no, 'sto velen!

El ga razon che so' obligà col nolo,

Se no lo ciaparave¹⁷ per el colo;

Ma speta, buratin, che vegna in tera:

A pugni te farò cambiar maniera!

(due ore dopo, a terra)

- El diga, lu m'à dà in pope un urton

Co' gera co foresti do ore fa

Go promesso de farme far razon:

Da l'osto i testimoni ghe sarà

- Ma cossa gh'entro mi?. No ò fato aposta

 - Nato d'un can! se el ga sbregà¹⁸ na costa!

- El diga, per so' ben, guai se nol tase!

 - Ben, zo, 'ndemo da l'osto e femo pase! -