GO DITO CHE⁴⁰

Go dito che un bel fior

Par el to' lavro⁴¹ belo e porporin:

Go dito che l'amor

Dona el tò viso languido e carin

Mostrandote crudel

Co mi che fato gnente no te go,

Che ti somegi⁴² al çiel,

In coscienza, più dir no podarò

El sol ride nel dì,

Nol xe, come 'l to' viso, imusonà⁴³

Zo, Nina mia, de mi

Movite a compassion, gabi pietà

E un'ociadina al cuor

Dona, caro amor mio, che te vol ben

Somegia ancora a un fior,

Fa el to' viseto come 'l sol, seren!