PRIMAVERA

Che tu sii maledetta, o primavera!

Stecchetti

Fin che 'l vento portava, malegnaso⁵⁶,

Dei brividi e del giazzo⁵⁷, ti, mia Nina,

In tinelo, a la pigra stua⁵⁸ vicina

Ti scaldavi la to' pele de raso⁵⁹

Che ti pensassi a mi no gh'era caso,

Stando a spiarme drio⁶⁰ de 'na tendina

Mi a la finestra dava un'ociadina

E te çercava per butarte un baso

Sto inverno, a la finestra, inutilmente

Te go çercà de matina e de sera

Sperando el to bel viso soridente

Co l'aria nova, la testina nera

Adesso me soride dolçemente

Che ti sii benedeta, o primavera!