SAMARCO⁶⁴

Che bel tramonto: rosso sfogonà⁶⁵

Xe 'l çielo in fondo, sora l'Ascension;

Come, Samarco mio, ti è iluminà,

Come te sluse i ori del fronton!⁶⁶

In ogni capitelo⁶⁷ per svegià

Quel santin bianco, drito o in zenocion⁶⁸,

E par che se vergogna, ranzignà⁶⁹,

Ogni colombo soto el cornizon⁷⁰

Nel çiel rosà più alegri i par stassera

I colombi che svola, e che deboto⁷¹

Tra le colone un posto i trovarà

E i splendidi Cavai sluse de fiera

Vita, e par quasi che i se slanza al troto

Verso el çiel de ponente imporporà