.E T'Ò VARDÀ!.⁹⁷

a I. M

Ti ga d'aver ne i oci inamorai,

In te quei oci grandi e neri, neri,

Qualche cossa che atira, che i fa seri,

Che li fa più splendenti, più adorai

Mi gaveva zurà⁹⁸ de più, più mai

Fissarte in quei to bei oci severi,

Lo gaveva zurà, quando che geri⁹⁹

Da quei to oci i mii xe sta atirai

Go fato finta¹⁰⁰, mi, de no vardarte,

Go fato al volto mio mostrar la smara¹⁰¹,

Go tentà de vardar da 'n'altra parte,

Ma 'l zuramento go desmentegà

Per quela bela testolina cara

No voleva vardarte e t'ò vardà!