ADIO!

Adio, povari versi, abandonai

Come liziere piume in brazzo al vento¹⁹⁴

Adio! 'ndè via no podarò dir mai

La tristezza che in cuor desso me sento

Vu se' mio sangue; vu se' destacai¹⁹⁵

Tochi del mio cuor¹⁹⁶ zovene e contento;

Vu se' intimi amici afezionai

Che de lassar, purtropo xe 'l momento

Vardè el bianco cocal: sicuro, atento,

Su la laguna queta voltegiando,

Tanto tempo el se mostra a l'ocio mio;

Fe come lu! Mi nel lassarve, al vento

De la laguna mia ve racomando

Libréve in alto tanto tempo!. Adio!