IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
SCENA PRIMA
Pasquale, Direttore e 4 Comparse.
DIRETTORE (alle 4 Comparse): Jammo, facite priesto, vestiteve ca lo cuncierto mò principia. (Le 4 Comparse entrano una dopo l’altra nella prima a destra.) Ah! Mamma mia!... Me pare mill’anne che va in iscena stu ballo, non me ne fido chiù.
PASQUALE: Direttò, scusate, la prova generale aieressera jette malamente?
DIRETTORE: Uh! Fuje na rovina! A lo ballabile de lo secondo atto, succedette nu pasticcio! Lo primmo ballerino se n’avetta j pecché le venettene le dulure ncuorpo. La scena de la neve po’, jette proprio rovinata.
DIRETTORE: E che saccio, dice che nun era pronta, lo macchinista sbagliaje, mentre steva la scena de cammera, ncoppa s’arapette la macchina, e cadette la neve primma de lo tiempo! Lo maestro de Ballo c’alluccava, lo mpresario peggio, e lo cetrulo jette a cadè ncuollo a me. Se dette pure la combinazione che aieressera stevene dinto a li palche, e dinto a le pultrone, paricchie gente pe vedè lo cuncierto.
PASQUALE: Vuje vedite lo diavolo!
DIRETTORE: Intanto poc’ato nce và pe lo cuncierto, e mancano ancora paricchie ballerine. Da aieressera tengo na capa tanto, nun ne pozzo cchiù. (Via pel palcoscenico.)