IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
ATTO TERZO
SCENA SESTA Felice, poi Bise, Salvatore e Peppino, poi Rusinella e detti.
I link alle concordanze si evidenziano comunque al passaggio
Felice, poi Bise, Salvatore e Peppino, poi Rusinella e detti.
FELICE: Addò stà, addò è ghiuto?
PEPPINO: M’è sfujuto da dinto a li mmane, e s’è menato pe la fenesta.
FELICE: Pe la fenesta? E già, chella è vascia, subeto se n’è scappato, ma io lo ncoccio però.
PEPPINO: Nun ve pigliate collera. D. Felì è na disgrazia, lo capisco, ma nun succede sulamente a buje, succede a tanta gente, calmateve.
FELICE: Me calmo, me calmo? Na parola! Io quanno lo trovo, me l’aggia magnà a morze! L’aggia arapì tutto chesto!
RUSINELLA: Ch’è stato, ch’è succieso?
FELICE: Ah, ch’è stato? Ch’è succieso?... V’aggia parlà seriamente.
RUSINELLA: A me?
FELICE: Sì, a voi!... D. Peppì, jatevenne, aggia parlà nu mumento cu muglierema.
PEPPINO: Sissignore. (Mò vide che succede ccà dinto, e tutto pe causa mia! Povero D. Felice!) (Bacia Felice.)
FELICE: D. Peppì, nun me vasate cchiù! (Peppino via per il fondo.)
RUSINELLA: Dunche, che vulite? Che m’avita dicere?
FELICE: V’aggia dicere che nun puteva mai credere che faciveve chello c’avite fatto, io saccio tutto, capite, tutto!
RUSINELLA: Ma tutto de che?
FELICE: Vuje, ajssera all’11 facisteve trasì nu giovene dinto a la cammera vosta. Negatelo, se potete?
RUSINELLA: Negarlo? Niente affatto..
FELICE: Lo confessate?
RUSINELLA: Lo confesso, sì, è overo, ajssera all’11, facette trasì nu giovene, simpatico, e aggraziato!
FELICE: (E me lo dice rifaccia!). Lo quale v’ha ditto che ve vuleva bene.
RUSINELLA: Che ghieva pazzo pe me!
RUSINELLA: Oh, niente. Io nun aggio tenuto lo curaggio de dicere manco na parola.
FELICE: Bravissimo! Perciò avite lassata la casa, perciò avite vuluto turnà a fa la stiratrice, perciò site addeventata accussì fredda e indifferente cu me. Ma io ve ne faccio pentì, però, farraggio cose de pazzo!
RUSINELLA: Ma vuje po’, ve pigliate tanta collera pe stu fatto... ched’è, vuje nun avite fatto lo stesso? Nun site juto vuje pure da na femmena?
FELICE: Sì, da na bella femmena, da na femmena, simpatica, aggrazziata e cianciosa...
RUSINELLA: La saccio, la saccio, è n’amica mia. Teresina, la nepota de D. Peppino lo cafettiere.
RUSINELLA: L’avite ditto ca la vuliveve bene.
FELICE: Che ghieva pazzo p’essa.
RUSINELLA: E essa che v’ha risposto?
FELICE: Che nun puteva stà senza de me, che pe me faciarria qualunca cosa!
RUSINELLA: (Che busciardo!). Dunche, vedite, che nun nce putimmo appiccecà, avimmo fatto lo stesso tutte e duje.
FELICE: Va bene. Ma certamente, doppo chesto ch’è succieso, tutto è finito fra di noi?
BIASE (uscendo con Salvatore e Peppino): (Lo vì ccà, stà ccà dinto!).
SALVATORE: (Io te l’aggio ditto!).
FELICE: Me voglio spartere, e subito!
RUSINELLA: Pe me, pur’ogge, pure mò! (Via a sinistra.)
BIASE: Lasseme Salvatò, lasseme! lasseme!
SALVATORE: Ma che buò passà nu guajo!
BIASE: Lo voglio passà! (Gridando:) Lo voglio passà! Nun aggia dà cunto a te!
FELICE (prendendo un ferro): (Si s’accosta le chiavo lo fierro nfronte!).
BIASE: M’è stancato, nun me fido manco de parlà.
BIASE: Me vaco a cuccà? Lassa, Salvatò. Siente, grandissimo svergognato! Io mò nun te faccio niente, pecché stai dinta a la casa de la cummare. Tu te sì sempe apprufittato che io tengo sta scorza ncuollo, e nun me pozzo movere. Mò vaco a chiammà n’avvocato, lo faccio venì ccà, lo faccio parlà cu figliema, e subeto subeto ha da fà le carte pe ve fà spartere pe mane de tribunale. Po’ doppo me vaco a spuglià.
BIASE: Me vaco a spuglià da guardia, me metto li panne da burghese e t’aspetto ccà fore. T’aggia chiavà na curtellata sotto a la panza. (Caccia un grosso coltello a piegatoio.)
SALVATORE: Bià, p’ammore de lo Cielo!
MICHELINO (cacciando la testa dallo stipone): (All’arma de la sfarziglia!).
BIASE: E nun te credere che dico chesto, pecché so’ sicuro che nun tiene armature. No, Biase Grammegna, nun è state mai na carogna. (Caccia un coltello simile al suo.) Tiene, miettete chisto ncuollo, quanno jesce fore, caccia tu pure lo curtiello. (Getta il coltello.)
FELICE (alzando il coltello): E va bene, mò vedimmo si nun faccio lo guajo.
PEPPINO: Ma c’avita fà, calmateve, so’ cose che s’acconciano.
FELICE: Tutto chesto, D. Peppì, è succieso pe causa de la nepota vosta.
PEPPINO: Pe causa de nepotema?
FELICE: E se capisce, pecché essa ajessera, nun m’aveva fa trasì dinta a la cammera soja, aveva capì che io steva nu poco luvato a vino.
PEPPINO: Comme! Ajessera, Teresina, ve facette trasì dinta a la cammera soje?
PEPPINO: E addò stà chella faccia tosta, m’ha da spiegà tutto, m’ha da dicere si sta cosa è overe. Ah! Ha da stà là dinto lavanno. Mò vengo, mò vengo. (Via a sinistra.)
BIASE: Te voglio fà vedé io chi è Biase Grammegna. Ommo senza scuorno rifaccia, senza core, senza sango dinto a li vene, ommo de niente!