IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
TOMMASO (in stiffelinis stretto e cilindro): Scusate, perdonate, pe ddò se trase pe vedé l’opera?
FELICE: (Uh! quanto è bello chisto). Ma in platea, in poltrona, in palco, dove?
TOMMASO: E chi lo ssape, vedite vuje. (Mostra il biglietto.)
FELICE: Quanto è un biglietto d’ingresso, da quella parte, in platea, dovete stare in piedi.
TOMMASO: All’impiedi! Voi scherzate, e io moro?
FELICE: E che vulite da me? Questo avete speso, tre lire?
TOMMASO: No, nun aggio pavato niente. Siccomme io tengo la puteca de castagnaro dinto a la pignasecca stammatina nu curisto del S. Carlo m’ha regalato stu biglietto e io pe me levà l’obbligazione nce aggio mannato a casa 4 mesure e fasule.
FELICE: Hai fatto male amico mio, chillo è la curista che manna li fasule.
FELICE: Comme pecché, chillo adda cantà, deve pigliare gli acuti.
FELICE: Ma vuje site venuto a sentì l’opera? L’avite fatta nu poco tardi.
TOMMASO: Eh! Lo saccio, ma c’aggia fà, chella muglierema, nun me vuleva fà venì, chella è gelosa assaje, vularria venì sempe cu mico, ma l’atro biglietto chi me lo reva?
FELICE: E già.
TOMMASO: Oh! mò diciteme na cosa, giacché site tanto buono, scusate, che d’è chest’opera, a Bulena, a Balona, che significa? Sapite pecché lo voglio sapé, pecché si è n’opera scandalosa io me ne vaco, la verità pecché... io ajere me cunfessaje.
FELICE: No, la potete sentire che non c’è niente di male.
NINETTA: Quanti applausi, quante sbattute de mane, che bella cosa. Ma tu che faje cu stu binocolo mmano?
FELICE: Io steva a sesta fila, me l’ha prestato lo palchettaio che è amico mio.