IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
SAVERIO (dalla platea segue Peppeniello): Viene ccà Peppeniè nun fà lo pazzo.
PEPPENIELLO: Ma quà pazzo e pazzo, io non me ne fido cchiù, io sto schiattanno ncuorpo. Comme, io me l’aggia spusa e chella me tratta de chesta manera. Na serata sana senza guardarme manco nu poco, proprio comme se io nun ce fosse stato.
SAVERIO: Forse in teatro nun ha voluto fà vedé, lo pubblico se n’addunava, capisce.
PEPPENIELLO: Ah! Pe me se n’addunava e pe lo maestro no? Hanno fatto chillu sentimento tutte duje, e nuje teneveme a cannela.
SAVERIO: Ma tu ti sei ingannato.
PEPPENIELLO: No, nun me so’ ngannato, zi zi nun a scumbinate tutte cose.
SAVERIO: Scombino tutte cose? E che me vuò fà appiccecà cu Gennaro?
PEPPENIELLO: E che me ne mporta a me, io nun m’ha sposo e nun m’ha sposo.
SAVERIO: Nun alluccà ca nuje stammo al San Carlo; che te cride che staje a Nocera?