SCENA SECONDA

Felice e detti.

FELICE (d.d.): Va bene non dubitate, i biglietti stanno tutti a posto.

LUIGI: Uh! Veneno gente.

EMILIA: Uh! Veneno gente. (Viano.)

FELICE: Chella birbante de Ninetta, ha ditto mò vengo, e nun è venuta cchiù, ma quanno vene, le parlerò chiaro, a me accussì nun me cunviene e fà ammore, o dinto o fore, ajeressera per esempio saccio io la collera che me pigliaje, doppo lo teatro se mettette sotto a lo vraccio de chillo, lo quale pe forza nce vulette purtà a cena a lo Gambrinus. Io non voleva accettare, ma poi siccome tenevo appetito dovetti subire.