SCENA SESTA

Virginia da donna, in abito nero, con mantella, cappellino, in mano tiene una borsa da viaggio, poi il Conte e detti.

VIRGINIA: Eccomi pronta.

DOTTORE: Non si pensa a pericolo.

VIRGINIA: Amore tutto affronta! Ma addò jammo?

DOTTORE: E che saccio... da ccà luntano assai, e tutt’e duje currimmo senza lassarce mai! Chi ha fede nell’amore, solo all’amor si affida, amor sarà il conforto, sarà la nostra guida! Vuje ccà nun state bona, non site ccà apprezzata! Dint’a sta casa site na schiava tormentata!

VIRGINIA: Proprio accussì...

DOTTORE: Nun sanno che vuje site nu fiore! N’angelo sciso nterra che cerca sulo ammore! Jammo.

VIRGINIA: Sì... nu momento... lassateme piglià cierti ccose ccà dinto. (Alla scrivania.) ’O ritratto ’e papà.

DOTTORE: Papà? Purtateville.

VIRGINIA: Sicuro, m’ ’o pigliaje, pe tené nu ricordo ’o juorno che spusaje. Murette, e non ’o pozzo mai cchiù, mai cchiù vedé... nun tengo cchiù a nisciuno!

DOTTORE: E nun tenite a me? A me che v’amo tanto... che vularria murì pe vederve cuntenta, pe nun ve fà suffrì! Jammuncenne, venite.

VIRGINIA: So’ pronta.

DOTTORE: Allegramente.

CONTE: Fermatevi!

VIRGINIA: Mariteme!

DOTTORE Il Conte!

CONTE: Finalmente! Ho saputo qual’era la malattia. Birbanti! Rosina, servitori, correte tutti quanti!

VIRGINIA: (Che scuorno!).

DOTTORE: (Bravo! Bene!).