SCENA SETTIMA

Rosina, Papele, Concetta e detti.

PAPELE: Ch’è succieso?

CONCETTA: Ch’è stato?

ROSINELLA: Ched’è, papà?

CONTE: Venite tutti. V’aggio chiammato pe farve presente a chello che succede, nu fatto che si ’o conto, so’ certo, nun se crede! Mia moglie, che nun saccio da me cchiù che pretenne, mò, col signor Dottore, se ne steva fujenne! Vi chiamo testimoni, qui si farà un processo, vedremo che sa fare quest’anima di gesso, stu viecchio, stu scemone, stu tuorzo, st’animale, vedimmo si ave tuorto!

PAPELE: È un caso criminale!

CONTE: In forza della legge, del diritto, mi capite... io scaccio il seduttore da questa casa. Uscite! In quanto a voi, signora, sò che potrei, volendo, far tutto per punirvi...

DOTTORE: Indietro, io la difendo!

VIRGINIA: Ah!

CONCETTA: Chillo spara!

PAPELE: Aiuto!

ROSINELLA: Papà!

CONTE: Nun alluccate... Lassat’ ’o fà... io so’ viecchio! Che camp’a fà? Sparate! Un assassinio pure...? E sia... so’ cchiù cuntento si m’accedite, è meglio... pecché allora nun sento chello che tutto Puortece dimane diciarrà... scuorno a sta faccia! Scuorno!

ROSINELLA: Calmateve, papà!

DOTTORE: Signore, vostra moglie, è pura ed innocente, se non volete crederlo, non me ne importa niente! Era stanca, era stufa di questa vita. Amava d’essere donna libera, e non di voi la schiava! Nei libri, nei romanzi, leggeva con ardore, che il matrimonio è proprio la tomba dell’amore! Fu vostra, ma poi disse: la libertà dov’è? Dov’è l’amor platonico? E si rivolse a me!

CONTE: Bravissimo!

ROSINELLA: (Che dice!).

PAPELE: (Che bella faccia tosta!).

DOTTORE: Avete fatto un chiasso, che caro assai vi costa! I nervi, il suo carattere, la calda fantasia certo potranno spingerla a far qualche pazzia! Badateci.

CONTE: Va bene. Per ora, uscite!

DOTTORE: È giusto; me ne vado. (A Rosina piano:) (Mò torno).

CONCETTA: (Ben fatto).

PAPELE: (Nce aggio gusto!).

DOTTORE: Badateci, ripeto... Badateci. (Via pel fondo.)

CONTE: Rosina, con me tu vieni, e voi recatevi in cucina, vi preparate tutto, più tardi poi, fra un’ora, il pranzo porterete qui dentro alla signora.

PAPELE: Va bene. (Via con Concetta. Il conte chiude e si conserva le chiavi delle due porte a destra.)

CONTE: Per un mese qui chiusa resterà...

VIRGINIA: Che!

CONTE: Chiusa! Così voglio, silenzio!

ROSINELLA: Ah, no, papà!

CONTE: Zitto! Venite! (Prende pel braccio Papele.)

VIRGINIA (dopo pausa): Chiusa ’a dinto, carcerata, comm’all’ultima femmena ncopp’a sta terra nata! Dimane tutte quante stu fatto saparranno e de me puverella... chi sa che diciarranno... de me che songo stata vittima de stu core, che nun sentette mai nu palpito d’ammore; che avette la condanna de sta sempe vicino, a nu viecchio seccante, rimbambito, cretino! E crede isso, truvarme ccà dinto, ad aspettà che me perdona, e all’ultimo la grazia mi farà. Ah, no, no, ciente vote, quann’apre chella porta pe me vedé avvilita me truvarrà già morta! A che serve sta vita? Che ne faccio? A che giova? Si è straziata sempe, e pace mai nun trova?... E pò cu quà coraggio putria doppo stu fatto, o parlà cu mariteme, e nun parlarce affatto? A starce ancora nzieme, vedennemillo attuorno, o stesso murarnia, ’e ciente vote ’o juorno! Io ’o ssaccio, songo certa, che mò, vi vularria calmarlo, na parola soltanto bastarria... farme vedé avvilita, chesto sultanto vò... che dicesse: perdoneme io so’ pentita! Ah! No! Primme d’avé stu scuorno, e a isso dà stu sfizio, voglio murì cuntenta, accetto il sacrifizio! (Rovista nel tiretto della scrivania.) Teneva na butteglia ccà dinto ’e sublimato... mò nun nce sta, è sparita... e chi se l’ha pigliato?... ’O Dottore... sicuro... Che mò nun penzarrà cchiù a me, ne songo certa...