IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
ERSILIA (esce dalla porta e chiude a chiave e scende): Carmè?...
CARMELA: Oh! Justo de vuje steva parlanno fra me e me.
CARMELA: Che la scioltezza vosta me piace. Abuoniconti, a chi ve decidite de sposarve, a lo giovene, o a lo vicchianiello?
ERSILIA: Ah, D. Timoteo po’ non lo può chiammà viecchio.
CARMELA: Viecchio, viecchio no, ma è passatiello de coveta.
ERSILIA: Carmè, oggi giorno s’ha da penzà seriamante e non già a capriccio. Io non so’ na piccerella, una de cheste cape allummate che correne alla cecata, e po’ doppo se ne addonene de lo sbaglio fatto. Io vaco trovanno na situazione. D. Timoteo è di quella età che i sentimenti sono stabili, e po’ è proprietario, mentre Vincenzino si non fatica non magna.
CARMELA: Ma site sicura che sto D. Timoteo fa addavero?
ERSILIA: Stammatina è tornato da fore, la sora è contenta, e m’ha promesso che spusammo subeto subeto, anze stasera l’aspetto, e siccome ce sto obbligato pe cchiù de na cosa, così le voglio fà trovà na scicca cenolella.
ERSILIA: Ha ditto che non vene.
CARMELA: Ma si pe combinazione venesse?
ERSILIA: Guè alla fine de li cunte ce lo dico che quatte e quatte fanno otto. In casa mia non ce sta da scarfà segge, chi primme me spose, io a chillo me piglio. Carmè, io esco, vaco fino a lo puntone a fà na piccola spesolella. Quanno me piglio a D. Timoteo, te porto co me. Carmè, te voglio fa fà la vita de la signora.
CARMELA: Aspetta ciuccio mio quanno vene la paglia nova. Tenenno na sarma de nnammorate le figliole se credene che se mmaritene priesto, quanto la sbagliene.