IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
Nicola e D. Felice, poi Biase, Teresina e Pascarella.
NICOLA: Che fate voi qua, andate dentro.
FELICE: Quando il padre dice dentro, dentro.
ELENA: (Haje ragione Nannina mia, chiste tenene tutt’e dueje l’uocchie de pazze). (Viano a sinistra.)
NICOLA: D. Celestì, avimmo avuta na bella soddisfazione.
FELICE: Ma quanno l’Ispettore v’ha chiammato e v’ha parlato zitto zitto, che v’ha ditto?
NICOLA: Ha ditto jatevenne sicuro, pecché mò ve manno 4 guardie sotto a lo palazzo vuosto, e non le faccio movere, po’ a n’auto ppoco me manno a chiammà a isso pe n’aute 2 guardie, e mi deve dare conto e ragione di tutto quello che sta facendo.
FELICE: Eh, e mò fa maremma... Mannaggia all’arma de la mamma, guè, chille li mogliere l’aveva pigliate pe quaglie.
NICOLA: Mò trasimmoncenne dinto, e non facimmo vedé, aspettammo isse che dice quanno have la chiammata dall’Ispettore.
FELICE: Ah, ma D. Nicò, diteme ma cosa nuje quanno mangiammo, io tengo appetito.
NICOLA: Ma ve pare, è momento de mangià, chisto, quanno è stasera se ne parla.
FELICE: Stasera! E io fino a stasera more. (Viano a destra.)
BIASE: Sissignore, D. Felice mò proprio s’è retirato, pecché so’ ghiute a fà no servizio. Chillo mò starrà dinto, si volite ve lo chiammo.
PASCARELLA (a Teresina che è uscita con loro): Che dicite D.a Teresì, lo volite fà chiammà?
TERESINA: No Pascarè, a chiammarlo no, vorria combinà de n’auta manera, pe non fa vedé che so’ ghiuta io addo isso.
PASCARELLA (a Biase): Neh, aspettate no momento, aggiate pacienza.
BIASE: Facite li fatte vuoste.
PASCARELLA (a Teresina): Ma che ve ne mporta a buje, scusate, che è fatto qualche estraneo, v’è frate a la fine, e pò sentite a me D.a Teresì, rappaciateve co lo frate vuosto; non facite parlà cchiù la gente, che facite state sempe sola, avite visto comme v’hanno trattata chille che hanno fatto l’ammore co buje; si stiveve mpace co D. Felice, non credo che vi trattevene comme v’hanno trattata. Dunque che bolite fà?
TERESINA: Aspetta Pascarè, io aggio penzato ma cosa, haje da sapé che ccà ncoppa, nce sta de casa chillo tale Don Luigino Porro, che faceva l’ammore co mmico, te ricuorde.
PASCARELLA: Comme non mi ricordo.
TERESINA: Embè, chillo non se chiamma D. Luigi se chiamma D. Errico, e s’è nzurato, capisce lo birbante!
PASCARELLA: S’è nzurato?
TERESINA Già... io mò sà che faccio, parlo co isso, e le dico che me facesse fà pace co Feliciello, si no vaco da la mugliera e le conto tutte cose, comme te pare?
PASCARELLA: Eh, na vota che tenite sto mezzo.
TERESINA (a Biase): Bell’ò dimme na cosa, D. Errico nce sta?
BIASE: Nonsignore, ma chillo mò lo vedite venì.
TERESINA: Allora io mò vaco a fà n’auto servizio, pò torno, e si lo guardaporta me dice che s’è retirato, saglie e aspetta fore a la saletta, tu me lu chiamme e le dice che l’aggio da parlà necessariamente.
TERESINA: Pascarè, jammoncenme, po’ nce vedimmo a lo palazzo, e grazie tanto.
PASCARELLA: Ma che ringrazià, io vaco trovanno che state cuieta, bell’ò statte buono.
BIASE: Stateve bene. (Viano pel fondo a destra.)