SCENA SETTIMA

Andrea e detti, poi Michele.

ANDREA (a Felice): Signore, dove andate?

FELICE: Vado un momento sopra alla terrazza.

ANDREA: Volete cenare?

FELICE (evasivo): A n’altro poco... a n’altro poco! (Sale e via.)

ANDREA: Va bene.

MICHELE (dal basso, con lume): Oh! Eccomi qua! (Apre la porta a destra ed entra.)

ANDREA (seguendolo): Comandate niente?

MICHELE: Niente, grazie! Pare che si accosta l’ora degli amici, non è vero? (Allude agli spiriti.)

ANDREA: Vuje pazziate, signor perito, e ccà la notte succedono cose che murì se credono... Tanto che lo padrone ha avvisato pure la Questura!

MICHELE (scettico): Io nun lo ccredo certo!

ANDREA: E avarriana essere tutte quante comme a vvuje! Ma chisto è lo fatto: la gente che ce crede nun ce vene!

MICHELE: E lo proprietario s’incarica de sta gente tanto ciuccia? (Osserva gli oggetti che aveva lasciato sul cassettone.) Io però stu pettine e sti spazzole nun l’aggiu lassate accussì! Chi l’ha guastate?

ANDREA: E che ne saccio? Ccà non è trasuto niscìuno!

MICHELE: Non è possibile, pecché nun steveno accussì!... (Ironico.) Forse saranno state li spirete che se so’ pettinati. (Conciliante.) Va bene... non ne parliamo più. (Si accorge che manca un sigaro.) E li sigare addò stanno? Mò aggiu rimasto ddui sigari ccà ncoppa e mò ce ne sta uno!

ANDREA: Possibile? Ve ricordate buono che n’avite rimaste dduje?

MICHELE: Sissignore, me ricordo buono! Vuoi dire che quacche ato spirete s’ha voluto fà ma fumatella!... (A parte.) (Aggiu capito che specie de spirete stanno dinto a st’albergo! So’ spirite che vanno a lliegge!...).

ANDREA (mortjficato): Me dispiace sta cosa! Io v’assicuro che dinto a chesta cammera nun è trasuto nisciuno!

MICHELE: Va bene, va bene... come e stato è stato... Ritiratevi.

ANDREA: Sempre a servirvi! (Esce nel corridoio e chiude la porta. Solo.) Và trova chi è stato che s’ha pizzicato lo sigaro da llà ncoppa! (Scende per le scale e via.)

MICHELE (solo): Quanto me secca sta cosa! Che nottata seccante! Lo bello è che tengo nu suonno che mò moro!... No, ma io nun me spoglio: me metto ncoppa a lo lietto vestuto e buono! (Si leva la giacca, l’avvolge e la mette sotto il cuscino.)