SCENA SESTA

Alfredo e detta.

TERESINA (teneramente): Comme site vuje... sì tu... e io non lo voleva credere.

ALFREDO (sbalordito): Che!... comm’avite ditto?

TERESINA: Dico che io aveva indovinato che tu me vulive bene, ma nun nce vuleva credere.

ALFREDO: Che ve volevo bene?

TERESINA: Mena mò, nun ne facite chiù nu mistero... D. Giulio me l’ha confessato, e mò che v’ha visto venì, m’ha ditto: ecco vostro marito. Dunque me pare che chesto vò dicere che me spusate.

ALFREDO: (Se mò le parlo chiaro chesta fa nu scandalo!). Va bene, io mò ve sposo... ma Teresina mia, st’ammore nuosto si deve mantenere ancora segreto... pecché si zi zio ho sa da altri e non da me...

TERESINA: No, io nun dico niente... abbracceme.

ALFREDO (abbracciandola): Con tutto il cuore! (Nu vero laberinto!)