SCENA PRIMA

Giulietta, poi Ernesto.

GIULIETTA (rientrando dal balcone): Chesta è proprio na cosa da ridere... Sta gente ha perduta la capa! Se po’ dì che mò è fatto juorno, sò l’otto appena e già stanno tutte all’aria mmiezo a la piazza per vedere Sua Eccellenza. Povera gente, quant’ammoina pecché è arrivato no Ministro.

ERNESTO: Giuliè.

GIULIETTA: Ah, siete voi, signor Marchesino.

ERNESTO: Le signorine si sono alzate?

GIULIETTA: Sicuro! Co sti strille che sta gente sta facenno da stammatina a li cinche!

ERNESTO: Starranno pure seccate d’essere venute.

GIULIETTA: Uh! Altro che seccate. Aieressera S.^a E.^a dicette che era stanco e se la sbrigaje subeto subeto. Ma stammatina isso e la signora hanno da ricevere tutto lo paese.

ERNESTO: L’aveva promesso d’accompagnarle a fà na passeggiatina pei dintorni.

GIULIETTA: Sarranno quase pronte... Ah! sta venenno chillo curiuso del segretario.