IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
SCENA TERZA All'uscita dei secondini i carcerati si raggruppano tutti sul davanti della scena. Un silenzio. |
I link alle concordanze si evidenziano comunque al passaggio
All'uscita dei secondini i carcerati si raggruppano tutti sul davanti della scena. Un silenzio.
Avite ntiso?... Che bulimmo fa?
E c'avimmo fa? Ccà si fossemo tutte uno amorcunzente ce saparriamo revulà 'e n'ata manera. Che buo' fa?... Ce vo' 'a sciurdezza.
Pe cunto mio mme dichiaro 'a mo. Fosse pure Tore 'e Criscienzo ha dda fa festa! Int' 'o lietto mio nun' 'o voglio! (guardandosi il braccio denudato) Caspeta!... Federì... chisto m'abbruscia ancora!...
E che tiene ncopp' 'o vraccio?
'On Gennà, ll'avimmo fatto nu risignetto. Senz'offesa ccà stanno 'e maste d' 'e pugneture!
E over'è... (a don Gennaro) Liggite. (Tutti osservano, meno Peppe che se ne sta in disparte e fuma).
(a cui Totonno presenta il braccio, leggendo)
«La ronna è ingannatricio.» Bravo! E stu pugnale che bene a di'?
La surisfazione per riflesso della vendetta!
Bravo! (Che bella rocchia 'e galantuommene ca sta ccà dinto! ) (al ragazzo che mangia del pane) Guaglió, mo te ne faie n'ato ppoco?
E te si' mmiso n'ata vota ncopp' 'o lietto mio?
(gli si accosta).
(avvicinandosi a Peppe, rimasto seduto sul letto)
'On Peppenié, che se dice? Ve veco 'e malumore...
Aggio perzo... Avite ntiso 'o secundino?
Aggio ntiso. Dice ca mo ce n'allogge a n'ato.
(al ragazzo)
Posa ccà! Mo te ceco n'uocchio! (Rafele si accosta ad essi) S' ha stupetiato 'o muccaturo mio 'a miez' 'e matarazze...
(al ragazzo)
Posa! Miette ccà!... (s'impadronisce del fazzoletto) Mo vedimmo qua vota te faccio scennere abbascio 'a nfermaria!
(a Luigiello)
Ma comme te pare? Vaie p' 'a ratta pure ccà dinto?
(al ragazzo)
Pe sta vota t' 'a passo liscia. N'ata vota te faccio nu mierco! (mette il fazzoletto in saccoccia).
(al ragazzo)
Essì! Ccà 'e guagliune ce mancaveno! Te si' mmiso a fa 'o palatino pure ccà dinto!...
(a Luigiello, minaccioso)
Aíze sti scorze 'a terra! (gli tira un calcio).
'On Rafè... Per semplice ricordo...
Va bene', 'on Gennà, aggio capito... Comme se dice? Chi ringrazia esce r'obbligo... A rimettere!...
Ma... vedete... io...
(gli batte sulla spalla, con aria di protezione)
A rimettere.
(Sepultus est).
(S'ode di fuori un fischio prolungato)
Nu poco 'e silenzio!... (Tutti tacciono. Si ode un secondo fischio. Tra sè, sorpreso) Nunziata!... E che sarrà?
(accostandosi a lui)
(pensoso)
Sto ccà.
E si vide venì a quaccheduno...
Nu sternuto. Nun ce penzate (va allo spioncino).
(a Peppe)
Che se dice?
È Nunziata ca m' ha fatto siscà... Certo m'ha dda di' quacche cosa... (porge uno scannetto a Rafele) Saglie... guarde mmiez' 'a strata... (Rafele sale sullo scannetto e guarda dalla gelosia) Nce affiure?
Nun beco niente... Aspettate... llà... rimpetto... dint' 'a cantina 'e don Vicienzo...
(Musica di chitarre e mandolini dalla strada: accordi che precedono la canzone. La musica seguita sempre durante il dialogo sulla scena).
(emozionato, a Rafele)
Chi ce sta?...
'A nnammurata vosta... cu Gennarino «'o pastore» e cierti sunature...
(dalla porta)
Eccì! (si scosta dalla porta).
Scínne! (a Rafele, che scende. I carcerati tornano per un momento accanto ai loro letti).
(da fuori, parlando per lo spioncino)
Dimane scendete a parlatorio... Viene il vostro avvocato.
Sissignore. (il secondino s'allontana) È passato... (guardando per lo spioncino) Se n'è gghiuto...
(a Totonno)
Nun te movere 'a lloco. (sale allo scanno e fischia).
(Rumores fugge!) (s'acconcia il letto e vi si stende sopra).
(Una voce femminile canta, difuori)
Ajemmè, che pena ca tengo a stu core!
Sta int' 'e cancelle il mio beno nzerrato!
So' binte juorne ca sta carcerato!
So' binte juorne ca stongo a penà!
(a Totonno)
Luntanamente sta voce e stu canto
A chi mme sente paresse lamiento!
T'arraccumanno, guaglio' statt'attiento!
C'appriparato nu schianto te sta!
(a Rafele)
Che ddice?
Mme pare comme si fosse n'avvertimento.
Se salutano 'e giuvene annurate
(a Rafele)
So' servitore 'e st'ommo affezziunato
Bonanotte 'e signure 'e sti cancelle!...
(Una distesa: la musica s'allontana, muore a poco a poco. Pausa. Totonno si scosta dalla porta).
('E signure... ca simmo nuie!)
(a Rafele)
Si te rico ca nun aggio capito niente nun te rico buscia...
A me mme pare n'avvertimento... Nisciuno ve vo' male?
(pensoso)
E che saccio? (siede sulle tavole del suo letto. A Rafele che s'accosta al suo) Che faie? Te cucche?
Tengo nu poco 'e relore 'e capo... (rassetta il letto).
(dal fondo, presso al suo letto)
Neh, chi s' 'a pigliata 'a pippa mia?
Sta sotto 'o lietto. (accostandosi a don Gennaro che scrive in un libretto, col lapis, seduto sul letto) 'On Gennà, qua è 'o nummero?
'O quarantuno a morte. Si mme riesceno cierte revulette ca sto facenno, te voglio fa vedé io chi è don Gennaro. Tiene mente ccà: 'a semmana passata fiura 'e sette su tutta la linea... (restano a parlare sottovoce e a guardare nel libro).
(pensoso)
N'avvertimento?... E che po' essere?...