IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
Tutti
(spuntando donna Rosa in iscena)
È cosa 'e niente! È cosa 'e niente!
(allontanando la folla)
Figlio mio! Figlio mio!... Addo' sta?
Nun è niente!
Addo' sta?... Vito!... Figlio mio!... Addo' sta?...
(dalla bottega)
Sto ccá, sto ccá, sto buono... (esce nella piazzetta)
Uh, figlio mio!... Io mo moro!...
Io sto buono!... È stata na cosa 'e niente... Mm'è benuto nu sbenimento...
Uh, figlio!... E mò comme staie, comme te siente?... Vuo' niente?... Te ne vuo' venì 'a casa?...
V'aggio ditto ca sto buono, oí ma! È stato affetto 'e debulezza...
E bienetenne 'a casa! Te faccio nu poco 'e broro...
(a Vito)
Che buo' fa? Vuo' venì 'a casa?...
Io v'aggio ditto ca nun è niente! Io v'aggio ditto ca sto buono! E mò si nun mme ne vaco dinto mme fenesco 'e attaccà 'a neveratura! (Rientra nella bottega)
(a Nunziata)
Ma sta buono o no? Ma che ll'è benuto, se po' sapé, o nun se po' sapé?... Ma vuie pecché nun mm' 'o vulite di'?
Giesù, niente!
Ma ched'è, nun 'o ssapite stu figlio vuosto c'ha fatto?
C'ha fatto?.. Ma che mme vulite fa vení na cosa!...
(Le donne fanno segno ad Amalia che taccia)
(c. s.)
Nu voto?... Comme?... E che voto?
Stu figlio vuosto caro caro ha fatto 'o voto 'e se spusá na femmena malamente. Chesto ha fatto.
Chi?!... Vuie che dicite!... Ha fatto 'o voto... Uh, mamma mia! Uh, faccia mia!... Ah, nun è overo, nun è overo!...
Addimannate...
Nunzià?... P'ammore 'e Dio! Diciteme 'a verità!... Comme! Vito ha fatto stu voto?... Sufì, è overo?... Neh, Assú... diciteme 'a verità!... Ma è overo?... Uh! faccia mia! Faccia mia!... Addo' sta?... Vito?... Addo' sta?... (move verso la tintoria)
'Onna Ró, embé? Lassate 'o sta, mo! Cheste so cose ca po' s'acconciano. Mo 'assat' 'o i'...
Vuie 'o facite fenì 'e cadé malato!
(gridando)
Vuie che dicite? Ma vuie che dicite? Ma vuie avite ntiso chillo c'ha fatto?!... Comme! A na femmena malamente!... E sta faccia mia addo' 'a vaco a mettere?... Uh, mamma mia, e che ddelore ca mme steva astipato a notte a notte!... (si volta) Neh, 'onn'Amá?... Vuie che mme dicite?...
(incamminandosi verso il vicolo a sinistra)
So' fatte ca nun mm'apparteneno. (Scompare nel vicolo)
(correndole appresso)
'Onn'Amá!... 'Onn'Amá!... E sentite!... (La rincorre. Scompare anche lei nel vicolo)
(a Sufia)
Che ve credite ca stu fatto fenesce mo?
(uscendo in fretta dalla bottega)
Nunziá, mammema addo' è ghiuta?
'A vedite llá, cu donn'Amalia...
Capite? E chella mm'è mamma!...
Ma mò che bulite fa? Ve vulite pigliá collera n'ata vota? Mò penzate 'a salute e nun ve nn'incarricate. Facite 'e cose revulare, e a chillo bello Giesú nun lle date collera!
Io mme so' raccummanato a isso (lo guarda, sberrettandosi) e mme pare c'aggio fatto cchiú 'e chello c'aggio pututo. (Si copre) Abbasta ca isso nun mme fa ncuietá 'a nisciuno!... Pecché io tengo brutte ntenzione!
Va buono, non date audienzia 'a gente...
Basta, venimmo a nuie. Avite mannato a accattá 'e ccere?
Qua cere?
E quante ce ne vonno?
Pe revula pe revula ce ne vulessene tre libbre.
Embé, se piglieno. C'ato ce vò?
Duie sciure frische, pe bello vedé...
Avimmo ditto 'e ccere, 'e sciure... Ah!... Mo' ce scurdavemo 'o mmeglio... E 'a messa pezzuta?
(a Vito)
Sapite c'avite fa? Quann'è dimane susiteve nu poco cchiú ampresso e ghiate addo' rettore 'e Sant'Eliggio. Chillo scenne albante iuorno pe dicere 'a messa, e 'o truvate sicuro. Faciteve dá 'a fiura. Anze, vedite c'ha dda tené pure 'e mmedaglielle.
Bé...
Mettite 'a fiura int'a na guanterella e ghiate attuorno. Chello che facite...
Accatta 'e ccere? Essí! 'E ccere ce l'ha dda mettere isso. (a Vito) Chello che facite serve p' 'e mmesse...
(a Nunziata)
Iate, ca po' parlammo. (Vito rientra in bottega)
Mo ce vedimmo... (va via con le altre)
(martella una suola sul marmo e canta)
«Che passiona che ttengo a stu core! Nennella
mia sta bona malata! So' vinte juorne...»