IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
Donna Rosa -- Vito -- Nunziata -- Rabbiele
poi Don Marco -- poi Donn'Amalia
(a Rosa che si dirizza alla tintoria)
'Onna Ro', ve vulisseve fa sta capa? (sciogliendo il grembiale che ha attorcigliato intorno alla vita)
Allora bona sera. Vengo dimane 'a casa... (via per la destra. Il ciabattino seguita a martellare la suola)
(siede davanti alla tintoria e s'asciuga la fronte con la pezzuola. S'agita e sbuffa)
(uscendo sulla soglia della bottega)
Vuie ccá state? (Rosa lo guarda senza rispondere) E nun ve ne iate 'a casa? 'A casa sta sola.
(la guarda, poi fa spallucce e siede sotto l'arco della porta. Momento di silenzio)
Niente.
Ah, bé... Quanno nun è niente tanto meglio.
Ch'è stato? Vuo' sapé pure ch'è stato? È stato ch' 'e' fatto nu bello voto, 'e' fatto! Nu voto ca fa proprio onore a tutta 'a razza nosta!
Vi', tu me vuo' fa murí primmo d' 'o tiempo!
Mme pare ca site vuie ca vulite fa murí a me!
No, si' tu ca mme vuo' amariggiá sti poche ate iuorne ca tengo!
Site vuie, so' io... Va bene, so' io! So' io, sissignore!... E nun ne parlammo cchiú!
(amara)
Haie raggione! A me chesto mme spetta. Sgarbe e male parole...
Chesto v' 'o penzate vuie. Io nun v'aggio risposto malamente.
E nun me puo' risponnere malamente, 'e' capito? Io te songo mamma e tu nun' 'è 'a sta a sentì a ll'ate; 'e' 'a sta a sentí a me! (si alza)
Chesto fino a nu cierto punto!
No! Fino all'urdemo punto, 'e' capito?... Senza ca m'accummience a mancá 'e rispetto!
Oi ma', nun accumminciate a mbrugliá a utile vuosto!... E nun mme ncuitate!
Stu voto levatillo 'a capo! Doppo ca io avesse murí ciente vote e no una, na tale e quale comme a chelle ca vaie truvanno tu, int' 'a casa mia nun ce trase, nun ce trase e nun ce trase! (Urla. A un palazzetto si apre una finestra e una donna si affaccia a udire)
Nu' strellate e nun accuminciammo a fa ll'opera mmiez' 'a strata!
Ll'opera 'a vuo' fa tu, e nun fa abbedé ca mo te miette scuorno, famme stu piacere! (S'apre un'altra finestra e s'affaccia un'altra donna)
(fremendo)
Mo' mme ne cacce pure! Mo' si tu 'o patrone! Mo' faie tutte cose tu! Mo' cumanne tu! 'A quanno è muorto pateto mme staie ntussecanno 'a vita mia!
Nu' strellate! 'O bbedite ca facite affaccià 'a gente!
Nun hanno a che penzá! Penzassero 'e ccorna lloro ca ne teneno assaie pure lloro! (Le finestre si rinserrano)
(avvicinandosi alla tintoria)
'Onna Ró, venite acca', sentite... (cerca d'allontanarla)
(di su la soglia della bottega)
Io 'o ssaccio chi v'ha mannato 'a chesti parte! Che ve credite ca nun 'o ssaccio? Ma cu me è tiempo perduto! Hanno muzzecá ccá nfaccia! (Si tocca il gomito) Io faccio chello ca mme pare e piace a me!
(urlando)
E fallo, fallo! Chi te dice niente?! Chi vo' niente a te? Fallo! Fallo!
(urlando anche lui)
E pecché venite ccá bbascio? Pecché ve facite vení tutte sti tirepetirre? Io sto malato!... Vuie a chi vulite atterrá? Vuie site, ca mme vulite vedé muorto!
Io! Io, ové? (al Cristo) Tu 'o siente?
Sì, sì, vuie proprio! Vuie site stata ca mm'avite fatto accussì! Ca si mm'avisseve fatto e n'ata manera, c' 'a bbona salute, tutto chesto nun succedarria! A chi aggia ringraziá? Nun aggia ringraziá a vuie?
(Le volta le spalle ed entra nella bottega)
(rivolta alla bottega, quasi piangendo)
Haie raggione, ossá! Chesto ca mm' 'e' ditto ogge Dio t' 'o pozze perdunà!
Stateve zitta, ca chillo ha pazziato...
(uscendo sul limitare della tintoria, trattenuto da Rafele e dagli altri garzoni)
E dicite a chella perzona ca v'ha mannato 'a chesti parte, ca se facesse 'o fatto suio, si no io faccio revutá 'o quartiere!
(gridando)
'O quartiere 'o faccio revutá io, 'e' capito? Io scuorno int' 'a casa mia nun ne voglio! Nun ne voglio! (Si ricomincia ad affollare la gente)
(a Rosa)
(a Rosa, minaccioso)
Iatevenne, sì no comm'è bbera 'a iurnata ch'è ogge vuie mme facite fa chello ca nun aggio maie fatto!
Pecché, che faie? Mme vatte? Mme vulisse pure vattere? E tu vatteme!...
(frapponendosi, a Vito)
E quanno ve ne iate 'a parte 'e dinto?
Iammuncenne... (cerca di condurla via)
Lassateme, 'on Má! Vuie 'o bbedite a che simmo arrivate! Nu figlio c'amminaccia 'a mamma! E n'ato poco mme vatte pure! 'O ssape sulamente Dio chello c'aggio patuto p' 'o fa! E mò dice ca io ll'aggio fatto accussì, capite, ca io só stata!... Ah, ca io avarria ringrazià a pateto ca m'ha lassato nnanze chisto bello suggetto!
E 'o tenite stu barbaro curaggio e 'annumenà a patemo? Patemo è muorto e vuie nun le putite purtá manco 'e scarpune, muorto e buono!
Ma chesto che significa?... Iatevenne dinto...
Haie raggione, haie raggione, mo' si tuttecose tu, mo mme ne può' cacciá pure d' 'a casa!
(a Vito)
Io! Io nun mme ne fido cchiú! I' poco ato campo! Tu mme staie atterranno iuorno pe ghiuorno!
Ma chi v' 'o fa fa? Chi v' 'o fa fa? Vuie 'a me
(Marco e Rafele lo cacciano a spintoni nella tintoria)
Giesú Cristo mio, o mm' 'o benedice o t' 'o benedico!
(a Rabbiele)
E vedite che se vede a l'ebbreca nosta...
(ironico)
Eggia'!... Se vedeno paricchie belli ccose!...
I' mme ne vaco! I' ccá mmiezo nun mme ce fido 'e sta cchiú. I' n'ato poco ca ce stonco se schiatta na vena 'mpietto!
(uscendo dalla tintoria e accompagnando Rosa al vicolo a sinistra)
Onna Ro', iammuncenne... Vuie site na femmena raggiunebbele... (via con lei, persuadendola)
(ad Amalia)
'Onn'Amá, iatevenne pure vuie, sentite a stu servitore d' 'o vuosto, aggiate pacienzia. Ccá, 'a stammatina, io nun pozzo arrivà a mettere nu punto 'nfaccia a na scarpa!
(di su la soglia della tintoria, ad Amalia)
Io ve ringrazio, 'o ssapite! Aggio ubbricazione a vuie!
'Onn'Amà, ve vo' 'a sie' Rosa.
Iate, iatela a cunzulà. Iatela a mbuttuná niato ppoco!
E pecchè v'amariggiate?
Faciteme 'o piacere, 'a ccá nun ce passate tanto spissamente... Si no po' essere pure ca ve ne pentite!...
(pigliandola pel braccio)
Overamente, sì!
E po' vedimmo!... (via, minacciosa)
'On Ví, nun ve pigliate collera!
Un uomo
(dalla destra)
'On Má, mme vulite fa sta barba?
Pronto! Iammuncenne. (entra, assieme all'avventore, nella bottega)
(rimettendosi a sedere davanti al suo banchetto)
Aggia vedé si mme fanno turná a sosere! (Canta)
«Saglieno e scenneno li prufessore!
Ll'aggio perduta, nun c'è cchiú speranza!...
Nu catapláseme ncopp'a la panza...»
Gno'?
All'arma d' 'e mamme voste! Chesta è 'a quarta susuta! (avvicinandosi alla bottega di Marco) 'On Má, aggiate pacienza, si ascite date n'uocchio 'o bancariello! (via per la destra)
(uscendo sulla soglia della tintoria, a Vito che è rimasto seduto davanti alla bottega)
Mé, nun ve pigliate collera, nun ve n'incarricate cchiú!
M'hanno strutto, Rafé! Te dico a te ca m'hanno strutto! M'hanno nfracetato 'ncuorpo!...
E ba buono. Nun ce penzate cchiù, mo...
Mo vedimmo si mme fanno fa quacche brutta bestialitá. Lloro me mettesseno n' copp' 'o punto ca po' lle faccio abbedé io chi songo!
E ba buono. Vuie vulite sentí nu cunziglio d' 'o mio?... (Fa per parlargli. Dalla finestra della mala casa una mano lancia una rosa. La rosa cade davanti a Vito)
(che ha visto di dove è venuta)
Rafe'?!...
Quaccheduna... 'A llá ncoppa...
E chi è? 'A saie tu?
Nun ce abbadate. Penzate 'a salute... Cheste ncuieteno 'a gente... (entra in bottega)