IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
Cristina -- Vito -- poi Annetiello Rafele -- Don Marco
La porta della mala casa si apre. Cristina esce nella piazzetta. Ha una bottiglia in mano e va alla fontanella. Vito la segue con lo sguardo, poi si rimette a sedere sotto la sua porta e gioca con la rosa sempre guardando, sottocchi, la giovane, che silenziosamente riempisce la bottiglia. Quando ella ha finito fa per tornare, lentamente, al palazzetto.
(si volta)
Che cosa?
Sì...
E... pecché?
(lo guarda. Poi, dopo un silenzio)
Pe niente.
Niente è troppo poco... (s' alza e le si accosta)
(fa per tornarsene)
Bonasera...
Aspettate... Mme vulite dá nu surzo d'acqua?
Tenite...
E io ve ringrazio... (Cristina gli porge il suo grembiale a cui Vito asciuga le labbra). E ve ringrazio pure d' 'a rosa... (non lascia la cocca del grembiale).
(cercando di liberare il grembiale e dolcemente)
Permettete...
Che vulite? Lassatemmen'ì... Ccá miezo nun ce pozzo sta... È pruibbito...
Quanno state cu mme nun c'è paura...
Eh, sì!... Lassate...
E mò!...
Ma che vulite?
Pozzo sapé comme ve chiammate?
E che ve mporta?
Cristina chi?
(triste)
Vulite sapé pure 'o cugnome?... Nun ne tengo.
Eh, sì, pazziavo!... Lassatemenn'i'...
Ma pecché 'o vulite sapé? A vuie che ve ne mporta?
Chesto maie... Lassatemenn'i'...
(le toglie di mano la bottiglia e la mette sulla sedia)
'O ssapite che site na bella figliola?...
(sorridendo, triste)
(dalla sinistra, passando davanti a loro)
Avite che fa?
(seccato)
Si premmettete... nu mumento a Rafele...
Chiammatevillo vuie stesso...
(alla tintoria)
Rafé!
(di dentro)
Annetiello si accosta alla bottega di Marco e prepara il banchetto per giocare. Dopo un momento esce Rafele che prima guarda Vito e Cristina, poi spalluccia e va a sedere rimpetto ad Annetiello. Si mettono a giocare.
(a Cristina)
(cercando di riprendere la bottiglia)
E io nun ve ne vulevo fa i'...
Dalla bottega di Marco esce l'uomo che si è raso. S'allontana, dopo aver dato un'occhiata ai giocatori. Marco esce poco dopo sulla soglia della sua bottega, si addossa allo stipite e si mette a osservare il giuoco.
(a Cristina)
Nonzignore... so' 'e Capua,
Vicino Santamaria?
'A sapite?
Sì. Na vota ce iette pe n'affare... Embé, e comme state a Napule?
È na storia troppo longa... N'ata vota v' 'a conto...
Cuntatemmella mo'...
'Assatemmenn'i'... Ccá nun ce pozzo sta'...
Sentite...
(continuano a parlare sottovoce)
(a Rafele)
'E' fatta n'ata scopa! Tiene 'a furtuna int' 'e fforge d' 'o naso!
Ioca! Tu tiene 'e chiacchiere sulamente.
Re!
Fa ampresso ca aggio ì a faticá!...
(a Cristina)
E vuie 'a llá ncoppa mme vedite?
(guardandola fiso, lentamente)
E... che ve ne pare?
'E che?...
D' 'o voto...
E io che ve pozzo di'?... Mme pare ca...
Che v'aggia dí?... Vedite 'a stessa cuscienza vosta che v'apporta...
(quasi commosso)
Parlate chiaro, Cristí... Diciteme tutto cosa... Forze... chi 'o ssape?... Po' essere ch'è meglio pe buie...
Pe me?...
Tutto po' succedere...
'On Vi'...
(suona l'Avemaria. Cristina si fa il segno di croce)
(ridendo, ad Annetiello)
Fatte 'a croce...
(irritato)
Ioca!
Cristí!... Nun mme vulite di' niente?...
(commossa)
Che v'aggia dí?... V'aggia dí ca io 'a nu mese mme trovo fora d' 'a casa mia, ca po' essere c' 'a casa mia nn' 'a veco cchiù, c' a me tutto chello ca mm'è succieso mme pare nu suonno?.. Che v'aggia dí?... Vuie che ne penzate 'e me?... No... don Vi'... nun ne penzate male, 'e me!... Vuie nun mm'avite... nun mm'avite disprezzà... comme fanno tutte quante l'ate... (gli afferra, commossa, le mani)
(quasi singhiozzando)
Io 'o ssaccio... vuie site nu buono giovene... Ma io mo'... io mo' nun credo a nisciuno cchiú!... A nisciuno!... Tutte m'hanno ngannata!...
Cristí!... Accussí affennite pure a me...
No, io nun dico pe buie... io v' 'aggio ditto, vuie site 'o primmo ca mme tratta 'e n'ata manera... (s' asciuga gli occhi al grembiale) Io so' stata trattata malamente... pur 'a patemo... cu tutto c' 'a notte 'o senteva... chiagnere int' 'o suonno... Basta!... Chesta è 'a vita mia... Simmo venute 'a Capua io e n'ata... Chest'ata ll'aggio sperza... nun saccio addo' sta cchiù pur essa... simmo arrivate 'e notte... Uh, Giesù, Giesù! A me mme pare nu suonno!... (si passa la mano sulla fronte)
Sentite...
(quasi parlando a se stessa)
Sto cchiena 'e diebbete... Pe mme vestí aggia fa diebbete... M' 'o ddanno c' 'a crerenza... Nun mme pozzo movere... (si torce le mani) Ah, ca io nun era nata pe chesto, nun c'era nata!...
Sentite... Cristí... Nun avite maie penzato a quaccheduno ca... ve vulesse libberà?...
(lo guarda, poi lentamente)
No... Sentite... Chi v' 'a ditto?...
(c. s.)
Si ce stesse quaccheduno ca vulesse fa... n'opera 'e carità... Chillo llà... (indica il Cristo) ll'avarria manná tanto bene pe quanto... (spaventata, guardando a destra) Uh! Madonna mia! 'E gguardie!... (si tira indietro)
Addo' stanno?... Faciteve 'a ccá!...
Uh! Madonna mia!... Io v' 'avevo ditto facitemmenn'í!... Uh, mamma mia!...
Zitto, zitto, stateve zitta....