IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
Il brigadiere Amantucci e la guardia Bianchetti secondo
(Poi tutti in iscena)
Il brigadiere Amantucci e la guardia Bianchetti secondo, in borghese, dalla destra, vanno difilato ad Annetiello e Rafele. Il brigadiere strappa le carte di mano a Rafele e le fa a pezzetti, quindi butta i pezzetti per terra. La guardia fa lo stesso con Annetiello, in silenzio.
Il Brigadiere
(a Rafele)
(levandosi ed aprendo le braccia orizzontalmente)
Io so' 'o guarzone 'e don Vito Amante...
Il Brigadiere
Va buono, va 'o conta a 'o guardaporte! (lo perquisisce. Quindi ad Annetiello) Guè?
Pur a mme?
Il Brigadiere
E che si' priviliggiato? (alla guardia) Perquisitelo.
(tremante, cercando di non farsi vedere)
Il Brigadiere
(a Rafele)
Tu nun 'a vuo' fení cu sti carte? Ma tu 'o ssaie ca niata vota ca te trovo iucanno te porto a durmí 'o ffrisco? (battendogli con la punta della «cravache» lievemente sulla tempia destra). Tagliete stu mazzo 'e petrusino... famme sta finezza!
Brigadie', se volete mm' 'o taglio io pure...
Il Brigadiere
Nun fa 'o pulicenella.
In questo momento Cristina fa per lanciarsi verso il portoncino della mala casa. La guardia Bianchetti si volta e l'afferra per le braccia.
(con un grido)
Lassate 'a i'!
Brigadie'!... Io so' scesa a pigliá ll'acqua!...
Il Brigadiere
Chesta è 'a terza vota ca mm' 'o ffaie!... (a Vito) Levateve 'a miezo, vuie!
(gridando)
Lassate 'a i'!
Il Brigadiere
Embé, 'on Vi'?!... Mme faccio maraviglia 'e vuie... Levateve 'a miezo... (Cerca di aiutare la guardia. Vito libera Cristina e la spinge entro la tintoria. Escono sul limitare della tintoria e nella via i garzoni, quindi man mano tutti si affollano sulla piazzetta).
I Garzoni
Il Brigadiere
Facitece fa chello c'avimmo fa, aggiate pacienza!
Ma che vulite fa?
Lassatece fa 'o duvere nuosto, iammo!
Il Brigadiere
Mo t' 'o faccio vedé io! (gli dà uno spintone e fa per entrare nella tintoria, dove Cristina ha riparato) Iesce fora, tu!...
Io ieva a pigliá ll'acqua!.. Iatevenne, iatevenne!... Facitelo pe carità!...
(davanti alla bottega)
Chesta è casa mia! Ccà nun ce trase nisciuno!
(Si aprono le finestre, si raduna la folla)
Il Brigadiere
(alla folla minacciosa e ai garzoni)
Indietro! (a Vito) Mme faccio maraviglia 'e vuie! Vuie nun ve site maie fatto sentí...
Un garzone
Brigadié, chesto nun sta bene!...
(gridando)
Avasciate 'e mmane! Ccà nun avimmo miso 'a mano int' 'a sacca a nisciuno!
Il Brigadiere
(ai garzoni)
Trasitevenne dinto, vuie! Chiste nun so' affare ca v' apparteneno!
Chella è scesa a piglià ll'acqua!
Manco ll'acqua ce putimmo vevere! Manco ll'acqua!
Avimmo fatto tanto pe ll'avè, st'acqua! (si affollano, strepitano, urlano, minacciano).
Il Brigadiere
(gridando)
Iatevenne! (a Vito) Ma c' avimma fa? Ve ne iate o no? O v'avessemo purtà ncoppa pure a vuie?
A chi?
I garzoni
(a Cristina)
Pe mò sta dinto 'a casa mia e nun esce!
Il Brigadiere
Ma vuie 'a legge 'a sapite o no?
Qua legge e legge! Int' 'e ccase noste nun c'è legge!
Tutte le donne
(con un urlo)
Nun c'è legge! Nun c'è legge!...
Il Brigadiere
(a Vito)
Levateve 'a lloco, sì no arresto pure a vuie!
A chi?
Il Brigadiere
(Vocìo, confusione, proteste)
Hanno arrestato 'o figlio vuosto! Currite, 'onna Ro'! Hanno arrestato a don Vito!
(arrivando, convulsa, con lo scialle sul braccio)
A chi? A chi vonno arrestà? (si butta sulle guardie) Lassatelo!
Il Brigadiere
La folla
Ma c'ha fatto? Vuie pecchè mm' 'o vulite arrestà?
Il Brigadiere
(gridando)
Facesse 'o tintore, facesse, invece 'e pruteggere 'e femmene malamente!
(gridando)
Avite raggione! Avite raggione! Addo' sta, sta bona femmena?...
Madonna mia! (si copre la faccia)
(al brigadiere)
Embe'! Iammo ncoppa! Ce voglio vení!
(facendosi largo)
Il Brigadiere
Indietro! (afferra Vito pel braccio)
Nun avite appaura ca io nun mme ne fuio... Lassateme piglià 'a coppola...
Datele 'a coppola! (glie la portano)
Gran confusione, urtoni, urli, invettive. La folla ingrossata muove verso il vico a sinistra. Vito è tra il brigadiere e la guardia che trascina pur Cristina. La tintoria resta vuota.
(afferrando una bambinella che grida)
'E chi è sta piccerella? A chi è figlia, sta guagliona?...
Iammo, vengo pur io!...
Lasse!... (via con gli altri, nel vicolo)
Il rumore cresce. Gente alle finestre che pur grida. Le voci della folla arrivano nel vicolo, mentre man mano la scena si vuota.
(a don Marco, pigliandolo pel braccio)
So' nummere fatte! Tridece ll'arresto...
E trenta 'o popolo piccolo! Meza lira pedóno...
Addo' pustiero! A cauro, a cauro!...
(s'avviano al «Banco del Lotto»)
Tenite, Annetie'!... Quatto solde pure pe mme! Ambo e terno!...
Butta nella strada i quattro soldi avvolti in un pezzetto di carta.
Si ode ancora romoreggiare, nel vicolo, la folla. Marco, Annetiello e Rafele entrano nel «Banco del Lotto».
La tela.