IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
Annetiello - Rafele - Dette
(di fuori)
Annetiello! E comme va?... Iate, iate, nun ve ne ncarricate... Mo nn' 'o manno io...
(comparendo sulla soglia mentre Nunziata fa per uscire)
Se'! Topp' 'e faccia! 'Onna Nunziata, 'a raziella vosta! (a Rafele che è rimasto fuori) Trase, Rafé!... (È leggermente brillo).
(scherzoso, le vuole impedire d'uscire)
Passate...
E ascite... io nu' ve tocco...
Neh, 'onn'Amá, c'avimma fa cu stu marito vuosto? (Nasconde il pacchetto sotto al grembiale).
'A fenisce o no?
(a Nunziata)
Che purtate sotto?
(ridendo)
Provole e presotte... Faciteme passá... (Riesce a passare) Oh!... (Via).
(a Rafele)
Che buo' fa, te vuo' sta lloco fora?... Trase!
(entra)
(seccata)
Aggio truvato a Papele addo' masto Ciccio...
(a Rafele)
E ched'è, ogge nun avite faticato?
Gnernó, 'onn'Amá, avimmo levato mane nu poco cchiú ampresso. Chillo 'o principale ha avuto che fa...
Ne? (amara) Ha avuto che fa? È ghiuto facenno spese pe quacche curredo?...
Basta... (a Amalia) Io aggio mmitato a Papele p' 'o fa fa nu bicchiere 'e vino cu mme.
A qua' cantina?
'Onn'Amá, nun 'o date retta, chillo pazzea...
Me dispiace, 'a verità. Ma l'urdema butteglia chisto s' 'a vevuta iusto aieressera.
E va bene, 'o mmannammo 'a ccattá. 'E canteniere pecchesto ce stanno.
Nonzignore! E mo' chesto ce mancava! Onn'Amá, io so' venuto pe ve da schittamente 'a bonasera e mo' mme ne vaco pure...
Nonzignore! (ad Amalia) Manna a pigliá stu vino...
(ad Amalia)
Gnernó... nun ve n'incarricate...
(ad Amalia, minaccioso)
'E' ntiso?
Chisto stesse mbriaco? (ad Annetiello) 'Ossa', si staie mbriaco vattenne 'a lliggerì ncopp' 'o Muolo!...
(c. s.)
Io sto mbriaco? M' 'e' dato a bévere tu?
'Onn'Amá, bonasera... Annetie', io mme ne vaco... (ad Amalia) Scusate, 'onn'Amá, ca si sapeva chesto io ccà dinto nun ce traseva manco e nun ve devo tanto incomodo. Bona nuttata... (via).