IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
(Entra, d'un subito, brusco, accigliato. A mezzo della stanza, s'arresta. Si guarda intorno, aspetta quasi che Amalia si volti e gli parli. Ella è impiedi davanti al comò e finge di spolverarlo. Si rivolta, a un momento, con aria tranquilla e seguitando a spolverare):
Gué?...
'Onn'Amà, ccà è stata Cristina.
(gli si volta di faccia. Sorride, parla lentamente)
'A capuana?... Sissignore.
'A capuana, 'a napulitana... comme vulite vuie... (Amalia continua a sorridere) Be'!...
Be'?...
(deciso)
Mm' avarrisseve fa na finezza... 'onn'Amá!...
Iate dicenno... (Lascia lo straccio sul comò e viene avanti).
Avarrisseve lassà cuieta a chella!
Be'!... Quanto cchiù mm' aiutate a di'! Giacché cierte cose nun ve mportano... faciteme 'a finezza... lassate sta 'a gente ca cu vuie nun ce ave che ce spartere!
(È presso alla tavola. Siede accosto ad essa. Leva la testa e guarda Vito, ironica, dominandosi)
Ma a vuie chi v' 'o fa fa?... Vuie pecché ve nfucate, neh, 'on Vi'?...
(impiedi, vicino a lei)
Io nun mme nfoco. Io ve dico sulamente lassate 'a i'!
(lenta)
O è benuta o nun è benuta, chisti so' fatte ca nun v'apparteneno.
(dopo un silenzio, guardandolo)
I' comme state ammulato!... 'A verità... nun mm' 'o credevo...
Embè...
(ha cavato la pezzuola, la tormenta, la gualcisce, nervosa)
È giusto... Comme se dice?... 'O munno è na rutella. Ogge una... (lo guarda fiso).
(accosta alla bocca la pezzuola e, lievemente, la morde)
È giusto... Assettateve...
Sì, mme ne vaco... Ma... v'aggia dà na prighiera...
(si china, le mani piantate sulla tavola, tamburellandovi con le dita. Parla quasi sottovoce)
Dicite...
(c. s.)
Io cu mammema mme stongo appiccecanno quasi ogne ghiuorno... (Amalia fa per interromperlo, egli stende la mano come per arrestare la parola di lei) Aspettate... Dico accussí... Inzomma, vuie nun avarrisseve attezzà tanto 'o ffuoco, 'onn'Amá!... (diventa quasi minaccioso) Si no...
(leva la testa e lo affisa. Mormora, a denti stretti, pianissimo)
Si no?...
(si rizza, lentamente)
Dico accussí... Vuie... si nun ce venarrisseve cchiú, 'a casa mia... meglio farrisseve...
(si leva, di scatto. Batte con la palma della destra sulla tavola)
Ah!... Ca... (Vito indietreggia) Embé... Tu te n'abbuse ca io sto ccà dinto, e stonco sola!... Tu... nnanz' a n'ommo... nun parlarrisse accussí!
Va llà, ca io te saccio!... (gli si accosta anche più) Tu sì carogna!
Se'?... (livido, sprezzante) E 'o marito vuosto?...
(faccia a faccia con lui, afferrandolo quasi pel petto, sottovoce)
E mmaritemo è cchiú carogna 'e te!
(liberandosi dalla stretta, cercando di contenersi)
Mme dispiace ca state int'a casa vosta... capite... Si no, sta parola v' 'a facesse... (si liscia il mento, nervoso) Basta... So' parole 'e femmene. E se teneno pe serenata... (fa per uscire) Bonasera...
Leváteve!... Nun facimmo rirere 'a gente... Chi passa va trova che se crede...
No!... Tu nun iesce! (corre alla vetrata e la rinserra. Borbotta, lontanamente, un tuono).
Facitemmenn' 'i'!... Facitemmenn' 'i' ca è meglio...
No! No! Nun iesce! No!... (la stanza s' è abbuiata. Vito si volta attorno, smania, si torce le mani) È nu mese 'a ch' 'e' fatto stu voto... e io te vaco truvanno, e nun te pozzo maie truvà sulo... nun te pozzo maie parlà comme voglio i'!... Mo è benuto 'o mumento!
(l'affronta: cerca di scostarla dalla vetrata)
(lo respinge, tra tenera e disperata)
No!... Nun iesce!... Addo' vuo' i'?... Ma che te sta aspettanno?... Te sta aspettanno, ovè, chella bona femmena?... (s'arretra, si china a guardare per la vetrata. Il tuono romoreggia ancora) 'A i' llanno, 'a vi'!... Sta 'o puntone... 'O pizzo suio...
Lèvete!...
(si libera e afferra lui e lo respinge, convulsa)
Ma che l' 'e' fatto a ffa, stu voto?... Pecche ll' 'e' fatto?...
Pecché nun mme ne fido cchiú! Pecché sta catena mme pesa! Ll'aggio fatto pe disperazione!... Ma che buo', che buo'?!... Lasseme! Io so' nu sfurtunato! So' n'ommo perzo!... Ma tu ce pienze a chello c'avimmo fatto? A chello che stammo facenno?! (si copre la faccia con le mani. Con la voce sorda): È peccato!... È peccato!... 'O Pate Eterno s'è stracquato!...
Embè... Si s'è stracquato ce zeffunnasse a tutte e dduie!... È meglio 'a morte! Cientemila vote!...
Ma che dice?... Io aggio fatto nu voto...
Assassino! Assassino!... Tu vaie facenno vute 'e leva' femmene d' 'o peccato e te scuorde 'e na femmena ca sta int' 'o peccato pe te!...
Io mme steva cuieta, 'a casa mia! Tu si' stato ca me si' venuta a tenta'! Tu, tu, tu!... Tu t' 'e' pigliato 'o mmeglio 'e me! Tu si' stato!... E mo mme vuo' lassa'?!...
Ah, che catena! Che catena!...
E chi è c' 'a porta sta catena?... Tu si', ca mm' 'e' levato ll'onore 'a faccia, ca mm' 'e' levata 'a pace d' 'a casa mia, ca mm' 'e' fatto scurdà a mmaritemo, ca mm' 'e' fatto fa cchiú nemice ca nun tengo capille ncapo!.,. Tu! Tu!... Tu mm' 'e' fatto sputà n' faccia 'a maritemo!... Tu mm' 'e' fatto addeventà l'urdema femmena d' 'o munno!... Tu mm' 'e' voluta?... E mo', tieneme!...
Ma che buo'?... Che buo'?... Si aggio fatto 'o voto ll'aggio fatto pecchè me so' visto perzo!... Io sto malato!... Io nun so' cchiù chillo 'e primma!... Io mme so' visto 'a morte cu ll'uocchie!... Aggio visto... 'o Giesù Cristo nnanze a me... (ansimando, commosso, quasi singhiozzando) Mme pareva... ca mme vulesse di': Píentete!... E 'a primma parola... 'a primma parola c'aggio ditto... Aggio ditto: Ah, Giesù Cristo mio!... Fammè sanà... E io... te faccio 'o voto 'e leva'...
(gli si getta addosso, gli tura la bocca, urla)
No! No!... Nun 'o ddi' cchiù!... Maie!... Maie!...
(La pioggia comincia a cadere e scroscia di fuori)
No!... (lo afferra, lo respinge, lo carezza, lo minaccia) Tu stu voto l' 'e' a spezzà!...
È sacrileggio!...
(Un lampo vivissimo. Di fuori la viuzza s'illumina. Dietro la vetrata appare, ritta, Cristina, con lo scialle sul capo. Ella spia per i vetri. La pioggia scroscia).
(con la mano tesa alla vetrata)
'A i' llá!...
Cristina!...
Làsseme!... (Vuol giungere alla vetrata. Amalia lo afferra e quasi lo atterra. Egli cade a sedere, ansimando, vinto. Amalia si rizza, si volta alla vetrata, nasconde con la sua la figura di Vito. La pioggia continua a scrosciare. Un silenzio. Amalia non leva gli occhi dalla vetrata. Dietro di lei Vito avanza il capo e ancor egli guarda, sbarrando gli occhi. Un lampo).
No...
Giurame ca nun t' 'a spuse!...
(c. s.)
(c. s.)
Sí...
Giura!...
(sfinito, con un filo di voce)
(Corre alla vetrata. Ne chiude le imposte, sbattendole. Uno scroscio di pioggia. La scena si rabbuia anche più. Vito s' è quasi levato. Vorrebbe avanzare. Amalia gli è addosso: lo afferra, lo stringe, se gli avvinghia, gli soffia sul volto:) No!... No!... No!...
(balbetta)
Ah, che catena!... Che catena!.