IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
Annetiello - Vito - Marco - Rafele
'Ossignuria, 'on Vi'! 'On Ma', bonasera!
(Si ode venir di lontano un suono di mandolini e di chitarre. Aria di «Carcioffolà». Questo debole suono continua durante il dialogo che segue).
'O mettimmo 'a parte d' 'e cavalle...
Gnernò, nu' ve cuffiassemo!
Gnernò...
'E ccapuzzelle che fanno?
(turbato)
Qua capuzzelle?
Comme! Chelli capuzzelle 'e piecoro c'avite fatto nfurnà e ca tenite annascoste sotto 'o cummò!
Site iuto a bedè pure 'e ccapuzzelle?
(ridendo)
E bi' quant'è bello stu ppoco!
Quanno pazziate vuie cu me io nun dico niente. Po' quanno pazzeio io cu vuie nun va buono.
O pazziate o nun pazziate 'e ccapuzzelle stanno 'a fora 'o cumanno vuosto.
Pecchè mme costano cinco lirette.
E va buono. Nc' 'e' magnammo a Piererotta.
(Il suono lontano manca a poco a poco e cessa)
E v' 'e bulite mangià gratisse?
'O ccapisco. Ma... vedete, cucchie'... 'a llà dinto (indica la sua bottega) nun esce manco na mullica 'e pane si nun so' pavato.
Allora, sotto vostra correzione, siete porco.
Sarraggio puorco ma mme chiammo muneta.
L'invito è na cosa e l'interesse è n'ata.
Sicuro, 'a galantomo e mmiezo.
Aspettate, 'on Ma'. Ma vuie sti ccapuzzelle overamente 'e ttenite?
Sissignore, songo otto capuzzelle 'e piecoro ca m'aggio mannato a piglià abbascio 'o Pennino. Ma, spiegammoce buono. Nuie eremo quatto amice c'avevama ì a Piererotta, e ognuno pavava 'a purziona soia... Po s'è scumbinato, pecchè uno 'e st'amice è caduto malato...
E ba buono, purtate 'e ccapuzzelle e ognuno 'e nuie pave 'o ssuio. Ve cunviene?
Comme nun mme cummiene? Quello che fate voi sta tutto ben fatto.
Io pavo pe me e pe donn'Amalia... (a Annetiello) Se permettete...
Come! Voi siete sempe 'o patrone.
Pe mammema? 'E femmene nun paveno. Pavo pur io.
E stu mio signore? Nun pava niente?
Se'!
(ironico)
È troppo giusto.
A 'o cucchiero ll'avarrisseve da' 'a bbona mano? E mme vulite dà meno 'e diece lire 'e bbona mano?
Ma ch'è 'a carrozza d' 'o cardinale?
Va buono, nun perdimmo cchiù tiempo. (a Annetiello) Iate a mettere in ordine ca po' llà bascio facimmo 'e cunte addo' Mezarecchia. (chiamando alla bottega) Rafe'?
(uscendo)
Sto ccà. Aggio fenuto. (accende un sigaro) Cucchie', salute! Quanno mme vulite purtà a fa n'ato bicchiere cu buie! Quanno mme vulite fa ave' n'ata murtificazione io ccà sto!
Ched'è sta murtificazione?
Gnernò, aissera ce iettemo a fa nu bicchiere, e chella 'a cantenera s' amariggiaie nu poco...
(con intenzione, ridendo)
E ce ne cacciaie.
Basta, è cosa 'e niente, (a Rafele, indicando il sigaro ch'egli fuma) Tiene 'o suoccio 'e chisto?
'On Ma', vulite nu fumariello pure vuie? (gli offre un sigaro).
E ì te ringrazio. M' 'o fumo p' 'a via. Bonasera. (a Annetiello) Ossegnuria, cucchie'! (rientra).
(via pel vico, a braccetto di Rafele)