IntraText Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText | Cerca |
I link alle concordanze si evidenziano comunque al passaggio
(lentamente, dal vico a sinistra, con lo scialle sul braccio, disfatta)
Raccumannateme 'a Madonna... (mette una moneta nella mano stesa di Marianna).
(si volta, fa per levarsi, poi rimane seduto).
'A Madonna e Santa Lucia benedetta ve guardeno tutte 'e passe che date! «Avummaria, grazia plena, e dominus teco e beneditta tu...»
(lentamente si avvicina a Vito e gli mette una mano sulla spalla. Poi, quasi sottovoce:)
Bonasera...
(voltandosi, lento)
Bonasera... (Momento di silenzio) Ch'è stato?
Niente... Che faie?
Io te vaco truvanno 'a stammatina...
E pecchè?
(entra nella bottega, torna fuori con la seggiola. La colloca accosto a Vito e siede)
Te vulevo di' c'aggio avuto 'e ccarte... (Vito è muto e perplesso) Che c'è vuluto!... So' stata cchiù 'e n'ora e mmeza ncopp'a ll'ispezzione... (Vito la guarda) L'ispettore ha vuluto sapé tu comme te chiammave... Aggio ditto Vito Amante, fu Giuseppe... Iovè?... Fu Giuseppe?...
L'ispettore? E comme ce trase st'ispettore?
Comme?... Embè, nun 'o ssaie? (Nasconde il volto fra le mani e le lascia scorrere dall'alto in giù per la faccia) Madonna mia!... (Rassegnata, dolcemente) Chest'è 'a legge... Nun se ne po' fa a meno... A fforza addo' ll'ispettore s'ha dda i'!...
E chesto mme mancava! Mo' aggia avé che fa pure c' 'a pulezia!
(battendosi forte sulla coscia)
Nun c'è che fa! (si leva) 'E sta vita mia se ne po' fa na storia!
E d' 'a mia, neh, Vi'?
Va buono, aie raggione tu... (s'avvia dentro).
Addo' aggia i'? Voglio nchiudere 'a puteca e mme ne voglio i' 'a casa.
(levandosi, lentamente. Le cade il fazzoletto)
'A casa?
Eh! 'A casa, sì!... E doppo ca nun ghiesse 'a casa mme l'avesse pruibbì quaccheduno?
(raccoglie lo scialle. Move un passo).
Mme ne vaco. Tu vuo' nchiudere 'a puteca e te ne vuo' i'... Mme ne vaco...
(spiccando le matasse e i drappi che pendono di sotto all'imposta)
«Avummaria, grazia plena, e dominus teco...»
Vito?!...
Ch'è stato?
Ma io che t'aggio fatto?... Io nun t'aggio fatto niente!... Almeno dimme che t'aggio fatto!...
E che mme vulive fa? Chi te sta dicenno niente? (entra in bottega, portandosi dentro le seggiole).
(s'appoggia allo stipite e canticchia)
«Vurria sapere si certo m'amate,
O pure pe cuperchio mme tenite,
(di dentro)
Niente. Sto cantanno...
Accussì se canta a Capua? (portando via la tinozza) Bello paese!
Embè... È meglio Napule. Accussì nun ce fosse venuta!
(sulla soglia)
E tu pecchè ce si' venuta?
Che t'aggia di'?... È stato 'o destino...
(raddolcendosi e accostandosele)