Caput III DE REMEDIIS POENALIBUS ET PAENITENTIIS

Can. 1339 - § 1.  Eum, qui versatur in proxima delinquendi occasione, vel in quem, ex 

investigatione peracta, gravis cadit suspicio delicti commissi, Ordinarius per se vel per alium 

monere potest.  

§ 2.  Eum vero, ex cuius conversatione scandalum vel gravis ordinis perturbatio oriatur, 

etiam corripere potest, modo peculiaribus personae et facti condicionibus accommodato.  

§ 3.  De monitione et correptione constare semper debet saltem ex aliquo documento, quod 

in secreto curiae archivo servetur.

Can. 1340 - § 1.  Paenitentia, quae imponi potest in foro externo, est aliquod religionis vel 

pietatis vel caritatis opus peragendum.  

§ 2.  Ob transgressionem occultam numquam publica imponatur paenitentia.  

§ 3.  Paenitentias Ordinarius pro sua prudentia addere potest poenali remedio monitionis vel 

correptionis.