[8] Si nihil aliud nisi de civitate ac lege
dicimus, nihil dico amplius: causa dicta est. Quid enim horum infirmari, Grati,
potest? Heracliaene esse tum ascriptum negabis? Adest vir summa auctoritate et
religione et fide, M. Lucullus, qui se non opinari sed scire non audisse sed
vidisse, non interfuisse sed egisse dicit. Adsunt Heraclienses legati,
nobilissimi homines: huius iudici causa cum mandatis et cum publico testimonio