| Table of Contents | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Septem Sapientium Sententiae IntraText CT - Text |
Tunc beatum dico vitam,
cum peracta fata sunt.
Par pari iugator coniux:
quidquid inpar, dissidet.
Non erunt honores
umquam fortuiti muneris.
Clam coarguas propinquum, propalam laudaveris.
Pulchrius multo est parari,
quam creari nobilem.
Certa si decreta
sors est,
quid cavere proderit?
Sive sunt incerta cuncta,
quid timere convenit?