XXXVI. De mula et musca

Mula rapit cursum, nam mulam mulio cogit.
Mule Musca nocet vulnere sive minis:
Cur pede sopito cursum tempusque moraris?
Te premo, te pungo. pessima, curre levis.
Mula refert: Quia magna sonas, vis magna videri.
Nec tua facta nocent, nec tua verba michi.
Nec te sustineo, sed eum, quem sustinet axis,
Qui mea frena tenet, qui mea terga ferit.
Audet in audacem timidus, fortique minatur
Debilis, audendi dum videt esse locum.