LVII. De institore et asino

Dum fora festinus lucro petit, instat asello
Institor et pressum pondere fuste premit.
Ille necem sperat nece promittente quietem,
Sed nece completa vivere pena potest.
Nam cum bella facit et timpana pellis aselli,
Hic lassatur et hec pulsa tonante manu.
Cui sua vita nocet, caveat sibi rumpere vitam.
Non nece, sed meriti iure quiescit homo.