VI. De ove et capra et iuvenca et leone

Ut racione pari fortune munera sumant,
Sumunt fedus ovis capra iuvenca leo.
Cervus adest. cervum rapiunt. leo sic ait: Heres
Prime partis ero. nam michi primus honor.
Et michi defendit partem vis prima secundam,
Et michi dat maior tercia iura labor.
Et pars quarta meum, nisi sit mea, rumpit amorem.
Publica solus habet forcior, ima premens.
Ne fortem societ fragilis, vult fabula presens.
Nam fragili fidus nesciet esse potens.