XXIX. De lupo et edo

Capra cibum querens, edum commendat ovili,
Hunc illi solida servat ovile sera.
Natum cauta parens monitu premunit amico,
Ut lateat, nec sit in sua dampna vagus.
Hic latet. ecce lupus movet hostia, voce capellam
Exprimit, ut pateant hostia clausa petit.
Sta procul, edus ait, caprizas gutture falso.
Cum bene caprizes, te procul esse volo.
Quod mea sis mater, mentitur imago loquendi.
Rimula, qua video, te docet esse lupum.
Insita natorum cordi doctrina parentum
Cum pariat fructum, spreta nocere solet.