XXIa. [Qualiter Attici elegerunt sibi regem]

Fabula nata sequi mores et pingere vitam,
Tangit quod fugias quobvo sequaris iter.
Rege carens nec regis inops, sine rege nec exlex,
Absque iugo gessit attica terra iugum.
Libertas errore carens se sponte coegit
Et pudor ob legem forcior ense fit.
Ne libitum faceret, regem plebs libera fecit,
Et que non potuit pellere iussa tulit.
Rex cepit lenire truces, punire nocentes,
Queque levanda levans, queque premenda premens.
Hos honerat novitas. cives in lege novelli,
Quod leviter possent, vix potuere pati.
Urbem triste iugum querula cervice ferentem
Esopus tetigit, consona verba movens: