XXXIII. De vulpe et ciconia

Vulpe vocante venit, speratque ciconia cenam.
Fallit avem liquidus vulpe iocante cibus.
Cum bibat ista cibos, solum bibit illa dolorem.
Hic dolor in vulpem fabricat arma doli.
Sunt pauci mora parva dies, avis inquit: Hhabemus
Fercula que sapiunt. dulcis amica, veni.
Hec venit. hec vase vitreo bona fercula condit,
At solam recipit formula vasis avem.
Laudat opes oculo vasis nitor. has negat ori
Formula. sic geminat visus odorque famem.
Sic vulpes ieiuna redit, sic fallitur audens
Fallere, sic telo leditur ipsa suo.
Quod tibi non faceres, alii fecisse cavebis.
Vulnera ne facias, que potes ipse pati.