ARGUMENTUM

        Turnus ut extremo uitam sub Marte profudit

      Subdunt se Rutuli Aeneae, Troiana sequentes

      Agmina; dehinc superis meriti redduntur honores.

      Congaudet nato ac sociis, memor ante malorum

     Actorum pater Aeneas. Turni inde Latinus

      Morte dolet. Patriae miseranda incendia Daunus

      Euersae, et cari deflet pia funera nati.

      Connubium instaurat natae laetosque hymenaeos

      Rex socer Aeneae genero; gens utraque pacto

 10   Foedere pacis ouat; tum nomine coniugis urbem

      Instruit, et tandem placida sub pace regentem

      Transtulit Aeneam Uenus astra in summa beatum.