-15-

 Sunt quos votorum excruciat inanitas: non optavi. Quos exercet ambitus: non petivi. Qui assiduitate exprimunt: non coegi. Qui offeruntur occasione: non affui, Quos iuvat opulentia: obstat temporum disciplina; non emi, nec possum continentiam iactare: non habui. Unum praestare temptavi, et hoc ipsum quasi meum vindicare non possum: in tua enim positum est opinione, si merui.