14 - Iulia Dryadia soror

Si qua fuit virtus, cuperet quam femina prudens
esse suam, soror hac Dryadia haud caruit,
quin etiam multas habuit. Quas sexus habere
fortior optaret nobilitasque virum:
docta satis vitamque colu famamque tueri, docta
bonos mores ipsa suosque docens.
Et verum vita cui carius unaque cura
nosse deum et fratrem diligere ante alios.
Coniuge adhuc iuvenis caruit, sed seria vitans
moribus austeras aequiperavit anus.
Produxit celerem per sena decennia vitam
inque domo ac tecto, quo pater, oppetiit.