| Table of Contents | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Parentalia IntraText CT - Text |
Nec iam tu, matris spes unica, ephebe Talisi,
consobrine meus, inmemoratus eris:
ereptus primis aevi florentis in annis,
iam tamen et coniunx, iam properate pater.
Festinasse putes fatum, ne funus acerbum
diceret hoc genitor, tam cito factus avus.