| Table of Contents | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Parentalia IntraText CT - Text |
Notitia exilis
nobis, Attusia, tecum
cumque tuo plane coniuge nulla fuit.
Verum tu nostrae soror es germana Sabinae,
adfinis quoque <tu>, Regule, nomen habes.
Sortitos igitur tam cara vocabula nobis
stringamus maesti carminis obsequio.
Quamvis Santonica procul in tellure iacentes
pervenit ad manes exsequialis honor.