| Table of Contents | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Ephemeris IntraText CT - Text |
Tempus
vocandis namque amicis appetit.
Ne nos vel illis demoremur prandium,
propere per aedes curre vicinas, puer.
Scis ipse, qui sint: iamque dum loquor, redi.
Quinque advocavi. Sex enim convivium
cum rege iustum, si super, convicium est.
Abiit: relicti nos sumus cum Sosia.