36 - De puella quam amabat

Hanc volo quae non volt; illam quae volt ego nolo:
vincere volt animos, non satiare Venus.
Oblatas sperno illecebras, detrecto negatas:
nec satiare animum nec cruciare volo.
Nec bis cincta Diana placet nec nuda Cythere:
illa voluptatis nil habet, haec nimium.
Callida sed mediae Veneris mihi venditet artem
femina, quac iungat quod volo nolo vocant.