71 - In Eunomum medicum

Languentem Gaium moriturum dixerat olim
Eunomus: evasit fati ope, non medici.
Paulo post ipsum videt aut vidisse putavit
pallentem et multa mortis in effigie.
«Quis tu»? «Gaius», ait. «Vivisne»? Hic abnuit. «Et quid
nunc agis hic»? «Missu Ditis», ait, «venio,
ut, qui notitiam rerumque hominumque tenerem,
accirem medicos». Eunomus obriguit.
Tum Gaius: «Metuas nihil, Eunome: dixi ego et omnes
nullum qui saperet dicere te medicum».