| Table of Contents | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Epigrammaton Liber IntraText CT - Text |
Effigiem,
rex Croese, tuam, ditissime regum,
vidit aput manes Diogenes cynicus.
«Nil», inquit, «tibi, Croese, tuum:
superant mihi cuncta.
Nudus eram: sic sum; nil habui: hoc
habeo».
Rex ait: «haud
egui, cum tu, mendice, carebas
omnibus; et careo, si modo non egeo»?