| Table of Contents | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Epigrammaton Liber IntraText CT - Text |
Semivir uxorem
duxisti, Zoile, moecham.
O quantus fiet quaestus utrimque domi,
cum dabit uxori molitor tuus et tibi adulter,
quanti deprensi damna pudoris ement.
Sed modo quae vobis lucrosa libido videtur,
iacturam senio mox subeunte feret.
Incipient operas conducti vendere moechi,
quos modo munificos lena iuventa tenet.