III. In perdice et attagena et in turture elixis.

1. Piper, ligusticum, apii semen, mentam, myrtae bacas vel uvam passam, mel, vinum, acetum, liquamen et oleum. uteris frigido.

2. Perdicem cum pluma sua elixabis et madefactam depilabis. [perdices coctura]: occisa perdix potest ex iure coqui, ne indurescat. si ‹III› dierum fuerit, elixa coqui debet.

3. In perdice et attagena et in turture: piper, ligusticum , mentam, rutae semen, liquamen, merum et oleum. calefacies.