| Table of Contents | Words: Alphabetical - Frequency - Inverse - Length - Statistics | Help | IntraText Library |
| Sextus Iulius Frontinus De agrorum qualitate IntraText CT - Text |
De fine similis est controversia [nec dubium est quin supra de finis condicione dixerim]; nam et eadem lege continetur et de quinque pedum agitur latitudine, sed de fine, quidquid per flexus, quibus arcifinii agri continentur, ut per extrema arvi aut promuntoria aut summa montium aut fluminum cursus aut locorum naturam agitur quam supercilium appellant. De loco controversia est, quidquid excedit supra scriptam latitudinem, cuius modus a petente non proponitur. Haec autem controversia frequenter in arcifiniis agris variorum signorum demonstrationibus exercetur, ut fossis, fluminibus, arboribus ante missis, aut culturae discrimine.