Caput II

Similiter dextra decumanum ultra cardinem sic inscribis, ut D. D. I spectanti ad occidentem scriptura sursum versus sit: quae pars ad cardinem spectat u. K. I, sic inscribi debet, ut inspectanti meridiem scriptura sursum versus sit ULTRA CARDINEM PRIMUM. Sinistra autem [d] d. I k. K. I sic inscribi debet sursum versus, ut <spectanti> orientem <sit> SINISTRA <D. I>: quae autem pars ad cardinem <spectat>, sic inscribi debet, ut septentrionem spectanti sit [totum] sursum versus inscriptum C. K. I. Ultra autem sic inscribi debet ut, quae pars ad decimanum spectat, spectanti orientem sursum versus sit inscriptum S. D. I: quae pars ad cardinem spectat, sic inscribi debet, ut meridiem spectanti sit inscriptum ultra cardinem primum V. K. I. Quintum quemque limitem diligenter agi oportet, et praecidere mensura cardinem, ut quadraturae diligenter cludi possint. Lapidem autem in quintarios poni oportet, reliquos autem roboreos. Solet de hac re esse disputatio, ut, si inscribatur D. M. Et K. M., Ille qui a maximo proximus <est> dicatur inscribi oportere sive DEXTRA sive SINISTRA D. <V. K. Sive PRIMUM sive SECUNDUM. Quaestio ergo haec est, utrum qui proximus maximo est secundus inscribi debeat an [ultra] primus. Ultra primum autem inscribi debet ideo, quod hic qui maximus dicitur et primus est. Ita idem capit hic. Qui ultra primum autem inscribitur, et secundu est et novum usque ultra solum observare debet.