LX.

Haec quicumque vides nimio perfecta labore,
desine mirari, minus est quam martyr habetur.
hic aetate puer rudibus iam victor in annis
tempore sub parvo matura laude triumphans
aspera innocuo maculavit tela cruore,
et sitiens tenero suxit sibi sanguine praedo.
sic victor superas auras regnumque petivit
et nos caelesti placidus de sede revisit,
nomine Gordianus, Christi quem palma coronat.
marmore concludens arcam cineresque beatos
presbyter ornavit renovans vincentius ultro.